له في حنايا القلب مرتع ومنزال
ولازال له في داخل القلب قيمه
مهمها جفا ولا سمع هرج عذال
عهد الغلآ لك يآريش العين ديمه
هذا بعض والباقي أظعاف ماقال
كبت المشاعر في المحاني جريمه
ان مارحمته أنت من يرحم الحال
وآآحالي الي ما لقينا رحيمه
انا قتيلك وانت باغي وقتال
لمي عظامي مابقى بي سليمه
ياطير ودي له مع الجو مرسال
للي وراى ظلعان واسط مقيمه
يكفي ويكفي كان بالكف ينشال
دفن الجسد لاطلعت الروح شيمه
وأكتب على قبري تمنى ولاطال
وهذي حياة الي عشق له عظيمه